Coicís san Asarbaiseáin (Azerbaijan) i mí Mheán an Fhómhair 2016 ag Olympiad na Fichille. Foirne as breis is 170 tír ar domhan i láthair—agus duine de na mná ar fhoireann na hÉireann ná Gearóidín Uí Laighléis, léachtóir le Gaeilge in Fiontar & Scoil na Gaeilge. Thug sí cur síos do Scáthán ar an gcomórtas.

Tionóladh Scoil Gheimhridh Merriman 2016 ar Champas Phádraig, DCU, ó 29 go 31 Eanáir 2016. 'Sráideanna Naofa Átha Cliath' a bhí mar theideal ar an Scoil seo a dhein comóradh ar an dlúthbhaint a bhí ag an gcathair le hÉirí Amach na Cásca 1916 agus leis an Athbheochan. Ba chuid í an Scoil Gheimhridh den Chlár Comórtha Céad Bliain.